Tattaunawa da Ra'ayin masu saurare

Yayin da wasu daga cikin ƴantakarar neman shugabancin Najeriya ke bayyana yiyuwar sake dawo da tsarin biyan tallafin man fetur matukar suka yi nasarar lashe zaɓen shekara mai zuwa, a nasa ɓangare Asusun Bada Lamuni na Duniya IMF ya yi gargaɗin cewa ka da a kuskura a dawo da wannan tallafi. IMF ya bayyana cewa duk wani yunkurin sake dawo da tallafin, zai kasance mummunan koma-baya a maimakon cigaba ga Najeriya. Shin me ye ra’ayoyinku a game da wannan kashedi da ya fito daga Asusun IMF zuwa ga ƴansiyasar Najeriya? Latsa alamar sauti don sauraren ra'ayoyi mabanbanta...

A Najeriya an cika shekaru goma cur ba tare da an aiwatar da hukuncin kisa ba wanda ya samu sahakewar gwamnati, wadda ita kaɗai ce take ɗaukar matakin ƙarshen wajen aiwatar da hukuncin da kotuna suka yanke dangane da haka. Wannan dai lamari ne da ya sake biijoro da kiraye-kirayen ƙungiyoyin kare haƙƙin ɗan Adam da ke neman a samar da doka da za ta dakatar da aiwatar da hukunci a Najeriya.

Mahukuntan Jamhuriyar Nijar sun jingine batun ƙara farashin mai duk da cewa Majalisar Dokokin Riƙon Kwaryar ƙasar ta bayar da shawarar yin wannan ƙari don magance ƙaracin makamashi da ake fama da shi a ƙasar. Wannan na zuwa ne a daidai lokacin da gwamnatin Najeriya ta sanar da wani shirin rage farashin mai a tsawon wata ɗaya domin sauwaƙa wa jama’a. Latsa alamar sauti don sauraren ra'ayoyin jama'a...

Ra'ayoyin masu saurare kan wasan ƙarshe da Ɗan wasa Lionel Messi ya bugawa ƙasarsa. Ku danna alamar saurare domin jin cikakken shirin tare da Kabiru Muhammad Dan Bauchi.

Taron gwamnonin jihohin Arewa maso Gabashin Najeriya da ya gudana a ƙarshen mako, ya buƙaci gwamnatin Bola Ahmed Tinubu ta gaggauta farfaɗo da aikin binciken man fetur da aka faro tsawon shekaru a yankin. Kazalika taron ya buƙaci gwamnatin da ta mayar da hankali wajen gyara layin dogon da ya haɗa biranen Port-court-Jos-Bauchi-Gombe zuwa Maiduguri saboda muhimmancinsa wajen buƙasa tattalin arzikin al’ummar yankin. Ku danna alamar saurare domin jin cikakken shirin tare da Shamsiyya Haruna.

Yayin da kusan a kowane mako ana iya a wayi gari da sabon farashin man fetur a Najeriya, a Jamhuriyar Nijar ana fama da ƙaranci da kuma tsadarsa ne a wasu jihohin ƙasar, yayin da ake fama da gagarumar matsalar ƙarancin gaz da ake amfani da shi domin girki. Ku danna alamar saurare domin jin cikakken shirin tare da Shamsiyya Haruna.

Yau juma'a kamar yadda aka saba, sashen Hausa na RFI na bai wa masu sauraro damar bayyana ra'ayoyinsu kan batutuwan dake ci musu tuwo a ƙwarya, kama daga siyasa, tattalin arziƙi, tsaro, zamantakewa da dai sauransu. Latsa alamar sauti don sauraren shirin...

Ƴancin aikin jarida na ci gaba da fuskantar tarnaƙi a wasu ƙasashen Afirka, saboda yayin da wasu ke fuskantar tursasawa a Najeriya, a Jamhuriyar Nijar kuwa ana tsare da Moussa Tchangari kusan shekaru biyu ba tare da shara’a ba, yayin da a hannu ɗaya, wani ɗanjaridar wato Moussa Kaka ya ɓata yau kwanaki 16 kenan. A can kuwa Mali ko shekaran jiya litinin ma an yanke wa wani ɗanjaridar hukuncin ɗaurin shekaru biyu a gidan yari, kamar dai yadda ake cafkewa tare da tilasta ƴanjaridar da ra’ayoyinsu suka bambanta da na gwamnati, shiga aikin soji a Burkina Faso. Wannan shi ne maudu'in da muka baku damar tofa albarkacin bakinku a kai yau. Latsa alamar sauti don sauraren shirin...

Hauhawar farashin man fetur na ci gaba da haifar da tarin matsaloli ga al’ummar Najeriya, inda a jihohi irinsu Sokoto, Kebbi da Zamfara, farashin lita ya doshi Naira dubu ɗaya da 500 a halin yanzu kuma kusan hakan farashin yake a mafi yawan jihohin arewacimn ƙasar. Wannan shi ne maudu'in da muka baku damar tofa albarkacin bakinku a kai yau, musamman game da yadda ake samun hauhawar farashin akai-akai da kuma yadda wataƙila hakan ke shafar kasuwanci da kuma sufuri a yankunanku. Latsa alamar sauti don sauraren shirin...

Ranar takwas ga watan Satumban kowacce shekara, rana ce da Majalisar Ɗinkin Duniya ta ware, tun a shekarar 1960 a matsayin ranar yaƙi da jahilci, inda ake mayar da hankali wajen faɗakar da jama'ar a sassan duniya mahimmancin ilimi da samar da tsari ko dabarun koyar da mutanen da basu samu dama ba. A mafi yawan ƙasashe dai an sha aiwatar da tsarin yaƙi da jahilci da ke bai wa dattijai ko masu manyan shekaru damar iya koyon rubutu da karatu a rayuwarsu. Shiga alamar sauti, domin sauraron cikakken shirin.

Kamar yadda aka saba ko wace rana irin ta yau Juma’a, muna baku damar tofa albarkacin bakin ku kan wasu abubuwa da ke ci muku tuwo a ƙwarya kama daga siyasa da tattalin arziƙi da zamantakewa da dai sauransu. To yau ba ta sauya zani ba, sai ku latsa alamar sauti don sauraren shirin...

A Najeriya ana ci gaba da mayar da martani mai zafi sakamakon kalaman da shugaban ƙaramar hukumar Kuje da ke birnin Abuja Mista Samuel Shekwolo ya furta, kan cewa duk wanda baya goyon bayan jam’iyya mai mulki ta APC ya fice daga karamar hukumar. Yayin da ake tunkarar zabe a Najeriya, sannu a hankali kalaman tunzuri da yiwa jama’a barazana a karuwa a tsakanin yan siyasa musamman daga bangaren jam’iyya mai mulki, ganin yadda a baya-bayan nan wani sanata daga jihar Osun ya umarci magoya bayan jam’iyyar da su kashe abokan hammaya a duk inda suka hadu. Shin yaya kuke kallon hadarin irin waɗannan kalamai yayinda ake shirye-shiryen zabe a kasar? Kuna ganin Najeriya zata iya daukar mataki kan masu aikata wannan katobara ganin yadda har yanzu ba’a kai ga hukunta wancan sanata ba? Sai ku bayyana mana ra’ayoyinku kamar yadda aka saba.

A Najeriya al’umma na cike da zullumi a jihar Neja musamman bayan ƴan ta’adda sun saki wani bidiyo a kafafen sada zumunta wanda ke nuna mutane kusan 600, galibinsu mata da yara da kuma dattijai, waɗanda suka bayyana a matsayin masallatan da suka sace a gari na Borgu a Juma’ar da ta gabata. Mahukunta sun ce suna ƙoƙarin ceto su, amma hankula ba su kwanta ba gannin an saba ruwa ƙasa na shanyewa. Latsa alamar sauti don sauraren shirin...

A Najeriya duk da gargaɗin da hukumar yanayi ta NIMET ta riƙa yi a lokuta da dama game da ambaliyar da wasu sassan ƙasar zasu fuskanta a damunar bana, wajen ganin an ɗauki matakan daƙile illar da hakan zai haifar. Tuni aka ga wannan ambaliya a birane da dama ciki har da Abuja fadar gwamnatin ƙasar, birnin da ruwa ya shanye sassa da dama da ke matsayin ambaliya mafi muni da aka gani, wanda ake alaƙantawa da dalilai da dama ciki har da gine-gine kan magudanan ruwa, wannan na zuwa a dai dai lokacin da can a jihar Kano ma ake cike da fargabar makamanciyar ambaliyar.... Latsa alamar sauti don sauraren shirin...

A Najeriya, Gwamna mai ci kuma ɗan takarar jam’iyar Accord Ademola Deleke ya lashe zaɓen jihar Osun da aka gudanar a ranar Asabar da ƙuri’u sama da dubu 511, yayin da ɗan takarar jam’iya APC mai mulkin ƙasar Bola Oyebamiji yazo na biyu da ƙuri’u dubu 444,815. Kafin ranar zaɓen dai an fuskanci dambarwar siyasa da rikice-rikice da suka yi sanadin mutuwar mutane sama da 40. Latsa alamar sauti don sauraren ra'ayoyi mabanbanta...

A Najeriya, Hukumar Kula da Ilimin Firamare ta Kasa ta roƙi gwamnonin jihohi da su yi wa Allah su gaggauta karɓar sama da Naira biliyan 332 na kuɗaɗen tallafin daidaita tsarin ilimi. Shugabar Hukumar Aisha Garba wanda ta yi wannan kira, ta ce bayaga Naira biliyan 65 da aka ware akwai kuma wasu Naira biliyan 267 da aka ware domin inganta makarantun firamare a ƙananan hukumomin faɗin ƙasar. Ku danna alamar sauraro domin jin cikakken shirin tare da Oumarou Sanni.

A Najeriya, ƙungiyar G –100 ta gamayyar wasu fitattun ƴan ƙasar kimanin 100 ta jagorancin wani sabon yunkurin ganin lallai sai jam’iyyun adawa sun yi haɗin guiwa domin fitar da ɗantakara ɗaya tilo da zai fafata da shugaba Bola Ahmed Tinubu a zaɓen shekara mai zuwa. Ku danna alamar sauraro dimin jin cikakken shirin tare da Oumar Sanni.

Ana ci gaba da samun ƙarin ƙasashe a sassan Duniya da ke ɗaukar matakin taƙaitawa ko kuma haramta wa yara amfani da shafukan sada zumunta don basu kariya daga illolinsu. A halin yanzu dai fiye da ƙasashe 20 ne ciki har da India, da China da Faransa da Ingila, suka ɗauki wannan mataki, tun bayan da Australia ta zama ƙasa ta farko da ta bayar da misalin hana yara ‘yan ƙasa da shekaru 16 shiga shafukan sada zumuntar. Latsa alamar sauti don sauraren shirin...

Tawagar ƙasar Spain ta lashe gasar kofin duniya karo na biyu a tarihi, bayan ta doke Argentina da ke kare kambun a wasan ƙarshe da suka gudanar a daren jiya. Ita kuma Ingila ta ƙare a matsayi na 3 ne inda ta lashe kyautar tagulla da ke zama kyauta ta farko da ta lashe a kofin duniya cikin shekaru 60, ya yin da Faransa ta ƙare a matsayi na 4. Latsa alamar sauti don sauraren shirin...

Yau juma'a, rana ce da sashen Hausa na RFI ke bai wa masu sauraro damar bayyana ra'ayoyinsu kan batutuwan da ke ci musu tuwo a ƙwarya, kama daga tsaro, tattalin arziƙi, siyasa, zamantakewa, da dai sauransu. Latsa alamar sauti don sauraren ra'ayoyi mabanbanta...

Kamar yadda aka saba, yau rana ce da sashen Hausa na RFI ke bai wa masu sauraro damar bayyana ra'ayoyinsu kan batutuwan da ke ci musu tuwo a ƙwarya, kama daga tsaro, siyasa, tattalin arziƙi da dai sauransu. Latsa alamar sauti don sauraren shirin...

Majalisar dattijan Najeriya ta bukaci gwamnatin kasar da ta dakatar da shirin yin afuwa ko kuma sauya ɗabi’un tubabbun ƴan ta’adda a wani yunƙuri na dawo da su cikin al’umma, wanda ta ce ba ya taimakawa ƙoƙarin da ƙasar ke yi wajen yaƙi da ta’addancin da ya yi mata katutu. Latsa alamar sauti don sauraren shirin...

Mai Alfarma Sarkin Musulmin Najeriya Muhammadu Sa’ad Abubakar na uku, ya ce mutunta addinan juna, daina furta kalaman ƙiyayya ko tsatsauran ra’ayi, abubuwa ne da za su iya taimakawa ta fannin kyautata zamantakewa a tsakanin al’umma. Wannan dai gargaɗi ne da ke ƙunshe a sanarwar da aka fitar bayan ganawar da aka yi a babban masallacin birnin Abuja tsakanin mai alfarma Sarkin Musulmin da kuma tawagar manyan jami’an Fadar Vatican ƙarƙashin jagorancin Archibishop Paul Richard Gallaghera. Latsa alamar sauti don sauraren shirin...

Yau juma'a, kamar yadda aka saba, rana ce da sashen Hausa na RFI ke bai wa masu sauraro damar faɗin albarkacin bakin su kan batutuwan da ke ci musu tuwo a ƙwarya, kama daga tsaro, tattalin arziƙi, siyasa, da dai sauransu. Latsa alamar sauti don sauraren ra'ayoyi mabanbanta...